近年不時傳出有人蓄意毒殺貓狗，但一直捉唔到變態兇手，食物及衛生局長周一嶽噚日喺立法會財委會，畀議員追問有咩方法，周局長好認真咁話，佢哋好關注事件，但蒐證的確有好多困難，「因為動物唔識講嘢，唔能夠落口供！」
可能好多人聽到周局長呢個答案，真係唔知好嬲定好笑，但其實佢答議員時態度一啲都唔輕佻，佢仲補充話，調查時，只能靠主人畀證據，但係啲貓狗鍾意周街聞聞又試食，食嗰時，真係唔知邊個留低啲食物。跨部門組織調查
漁護署長黃志光話，家已經有一個由警方同漁護署等部門組成的跨部門小組調查呢類案件，署方早前邀請專家為警方培訓，教佢哋點喺技術以及罪案現場調查做鑑證；1月又搵咗愛護動物組織交流，呼籲一有發現，盡快報料，等跨部門小組可以追蹤罪犯，尤其是毒殺個案，相信係對貓狗有仇恨嘅人下毒手。
討論問題:
對於動物被毒殺的個案，即使貓狗識落口供，警方可以破案嗎?
(From :Vicky Ho )
聾啞者、或弱智兒童給弱待後也不懂「落口供」，警方是要去查案的，所以貓狗出了事受虐待不懂「落口供」，警方也是應該要去查案的。除非人類立心歧視貓狗，若如是、則人終害己，因為此虐貓狗者好明顯是變態者、很可能己經或將會虐待小孩子或弱小者。周氏一派胡言、不知所謂！不負責任。
回覆刪除如果貓狗識落口供，可能有助警方破案：狗狗嗅覺好，曾於案發時間在現場一帶流連的狗狗，或可回憶現場氣味而提供有關受害狗遇害時間與疑犯身分及犯案時間等資料；而貓貓由於喜好盤踞高處藏身窺伺，受害貓遇害時大有可能有大量目擊事件經過的證貓，能夠提供重要破案線索(只要牠們當時沒有瞌著咗的話)。
回覆刪除